Tura : Ka yalang yong ka Joint Movement Committee hajrong ka Indo-Bangla Corridor na Hili ha West Bengal hadooh ha Mahendraganj-Tura, Meghalaya lyngba ka Bangladesh da pynman ha Tura Circuit House ynnin ka 3 tarik.
Ya kani ka yalang da pyllai da ka MLA ka Mahendraganj ka Dikkanchi D. Shira heiwa da embynta leh u Parliamentary Secretary for Home, etc u W.D. Sangma, u Convenor ka Committee u Naba Kumar Das na West Bengal, Retd. Joint Secretary ka GHADC, C.B. Chetry wa kiwi kiwa wan ba ri Bangladesh, West Bengal, Meghalaya, wa kiwi kiwi.
Ye u pynkynmoo heini wa ka Working Group on Improvement and Development of Transport Infrastructure in North East hapoh ka National Transport Development Policy Committee (NTDPC) da kyntu ko wow pynku wei wow pynmiat ya ki sarokbah ha West Bengal wa ha Bangladesh lyngba ka Hili ha West Bengal–Mahendraganj kawa tip leh kam ka South West Garo Hills Corridor.
Kani man ko leh ka thong u Dr.Mukul Sangma wow yoo wa kani ka sarok man ko kam ka Trans-nation Business Corridor neibynta ka North East.
U Convener ka Joint Movement Committee, Naba Kumar Das da pyntip u wa ka Indo-Bangla Corridor da sdang na ka sorkar UPA wei da booddien ya ka da ka sorkar bei kawa katni, heiwa ka da chong pyrkhat yeini heiwa Union Minister for Road Transport & Highways Nitin Gadkari ka sorkar bei da pyllait ko hadooh T. 3000 klur neibynta ini.
Waroh kiwa emlang ha kani ka sngi da kyrchaan ki yeini i thmu ka sorkar wei da rai ki leh u boodien yow mankaam ini waroh
Discussion about this post