Shillong: Heiyatoh wa ka Bye-Election ha 51-South Tura (ST) Assembly Constituency, u General Observer,u Benudhar Behara wa u Expenditure Observer, u S K Narayana Reddy da yachem ki ya ki heh ki seiñ saiñ pyrthai ynnin ha DRDA Conference Hall, Tura.
Ha kani ka yalang u General Observer, u Benudhar Behera da e yumut u ya ki wow bood ya ki kyndon yong ka Model Code of Conduct (MCC) wow pyntikna wa ka election man ko kawa lai bait.
Neiliang u Expenditure Observer, u S K Narayana Reddy da ong u wow pyntip lada em iwon iwon i eh i khoo wa yachem ki hei yatoh wa i pynlut poisa uwon uwon u kyrtong.
U District Election Officer, West Garo Hills, u Ram Singh da e yumut u leh wow bood ya ki kyndon ka MCC wei wow wan mih ha iwon iwon i por wa phah hajir ya ki hajrong i pynlut pynsep neibynta ka election.
Ka Returning Officer ka 51-South Tura (ST) Assembly Constituency,ka S B Marak da pyntip ko cha ki party wa da em ki kot ki sla wa da dep chon wei daw ekti ha ki party hajrong ini.
Heiyatoh wa i chongsuk chongsaiñ, u Additional Deputy Commissioner, West Garo Hills, u A M Sangma da kyntu u ya waroh wow yait namo wow dam nei wow pynemkaam ya ki advertisement wym toh katkam ka aiñ wei wow man ki bru kiwa ngait ya ka aiñ kam ha kani ka election wa dadep.
U Superintendent of Police, u Dr. Raghavendra Kumar leh da kyntu u ya waroh wow bood ya ka kyndon ka MCC wei wow yakrehlang wa ki bor pulit ka District.
Discussion about this post