Da pynman ya ka yalang Seiñ Kur Suchen

Jowai: Ka Seiñ Kur Suchen da pynman ko ya ka yalang ka kur ha chnong Darrang, West Jaintia Hills District ha ka 5 tarik uni u bnai.

Ki kur Suchen da wan ki na kylleiñ kylleiñ yong ka Ri Khasi Jaiñtia cha ka yalang kur yow ya tipmit lang para kur wei wow e mynsien ya ki khynnah khynroo ka kur wow nang ku ki ha ka puræ puthi wei kammon wow man kiwa tip bru tip blai, wow kammai ya ka hok wei wow ri wow syndong ya ka burom ka akor ha i man bru.

Ha kani ka yalang yong ka Kur Suchen da pyllait leh ya ka Almanak yong u snem 2019 wei da saam cha waroh ki para kur kiwa poi cha kani ka yalang.