Shillong: U montri ka chnat Tourism ka jylla, u Metbah Lyngdoh ynne da wan wai u ya ka ‘North East Conclave 2019 on Transforming North East India through Science and Technology’ ha State Convention Centre, Shillong ya kawa da pynman da ka Institute of Bio-resources & Sustainable Development (IBSD), kawa man kam ka Autonomous Institute yong ka Department of Biotechnology, Government of India.
U Metbah da ong u wa ka thaaiñ mihsngi ka ri man ko kawa mahajon bha ka rymaw wei ini ye bha i wow yarap ya ka ri waroh kawi ha kiwa boon ki liang. Da e yaroh u leh ya ka IBSD kawa da pynman ya kani ka yalang wa ar sngi deiwa kyntu ya ki bru chemphang na ka ri wa kiwa chna aiñ chirup wa kiwa na ka thaaiñ wow pynkylla ya ka thaaiñ lyngba ki stat yong ka juk kawa katni.
Da yooluti u leh wa na kani ka yalang daw yarap ko wow wailaad wailuti wow myntoi ki paidbah deiwa wanrah ya ki ha kawi ka rynsaan wow yoh ya kani ka thong wow pynkylla ya ka thaaiñ.
Ki phang wow yaklam ha kani ka yalang toh i chait i khiah, wow wailaad wow yoh khih yoh kreh, wow yada ya ka rymaw, wa kiwi kiwi.
Ha kani ka sngi sdang da emlang leh u Dr. Shekhar C Mande, Director General, Council for Scientific and Industrial Research (CSIR) and Secretary, Department of Scientific and Industrial Research, Government of India, u Sampath Kumar, CEO, Meghalaya Basin Development Authority (MBDA) and Commissioner & Secretary to Government of Meghalaya, u Dr. Mohd. Aslam, Adviser, Department of Biotechnology, Government of India, u Prof. Dinabandhu Sahoo, Director, IBSD, wa kiwi kiwi.
Discussion about this post