U Lat ka jylla, u Satya Pal Malik ynne ka sngi da pynman ya oo kam u Chief Patron ka Meghalaya Bharat Scouts & Guides ha ka yalang wa pynman ha Durbar Hall, Raj Bhavan, Shillong.
Hawa e yei klam, u Lat da ong u wa ka Bharat Scouts & Guides toh ka seiñ wa bha mynsien kawa pyneh pynsan ya ki khynroo khyllood wei da kyrmen u wow e yei yarap yong oo neibynta ini wei yei bha i miat ka imlang sahlang.
Da yaroh u leh yeiwa da leh ka Bharat Scouts & Guides hei wow yaleh pyrchah ya ka khlam COVID-19 kamjooh wow kyrchaan ya ki thong ka sorkar pyrdi kam ha ka Fit India Movement, Khelo India wa Azadi Ki Amrit Mahotsav, da pynchlur u leh ya ki wow pteiñ ki yeini i kaam wa bha wei wow pynemkaam yei bor ki khynroo yow pynchlur wei e mynsien ya kiwi wow leh yei kaam wa bha.
Neiliang u D P Wahlang, State Chief Commissioner, Meghalaya Bharat Scouts & Guides da pyntip u wa deiwa bood yeiwa phah ka Scouts & Guides Movement naka National Headquarters, New Delhi yow pynboon yei man dkhot ki Scout wa ki Guide hapoh ka ri deiwa booh thong wow em 1 klur ngut ki dkhot hadooh u 2025, neiliang ka chnat hapoh ka Meghalaya da pyntip ko cha waroh ki skur, ki College, ki University yow jied ya kiwa sikai kamjooh yow pynkhreh ya kiwa lai puræ yow psiah ki kam ki dkhot wei wow sdang ya ki Unit ha jar jiar ki thaw lai puræ.
Ha kani ka sngi da em leh ki rwai wa ki chaad wa e da ki dkhot.
