Ka yung krehkaam ka Commissioner of Food Safety, Meghalaya ynne ka sngi da pynman ki ya ka Eat Right Mela ha pchem ka State Central Library, Shillong heiwa u Sampath Kumar, Principal Secretary, Health & Family Welfare & Commissioner (Food Safety) da wan u kam u kongsan.
U Sampath Kumar da ong u wa i chait i khiah toh ki kaam yong jar jiar ki jylla hapoh ka ri kamtæ ka Meghalaya da sdang ko yaka State Health Policy hadien wa yaklam wa kiwa boon wa embynta ha kini ki kaam wei ki 3 tylli ki bynta wa emkaam toh yow yada, u pynchlur wow im deiwa chait wei wow pynchait.
Da khana u wa 95% na ki kjut hapoh ka jylla toh nei rukom baam kamtæ da pynman da kani ka Mela yow pynsñiawthooh yei rukom baam da iwa biang. Da kyntu u leh ya ki paidbah wow lai leh ya ka Medical Check-Up yow pyntikna wa man ki kiwa chait wa khiah.
Da ban joor u leh yei emkaam wow pynkhih yei doh i phaad namo wow Exercise yow lait nei kjut deiwa yaroh leh yaka Walkathon wa da pynman ynne ka sngi yow pynchlur ya ki paidbah wow lai kjat ki.
Hachwa ini, ka Chief Secretary, ka R.V. Suchiang da kaweh lama ko ya ka Walkathon kawa da sdang nadooh Madan Iewrynghep kawa da pynkut ha State Central Library, Shillong.
Kiwi de kiwa klam ha kani ka sngi toh ka R.M. Kurbah, Joint Commissioner (Food Safety), ka Payal Maji, Assistant Director, FSSAI, ka D.B.S. Mukhim, Assistant Commissioner of Food Safety wa kiwi kiwi de.
