Ynne ka sngi, ka yung krehkaam yong ka Krishi Vigan Kendra (KVK) wa em ha Wahiajer, West Jaiñtia Hills District da pynman ko yaka Millet Kissan Mela namo ka yaaw wow pynkhai im biang yei rep kre ha Ri-loom Jaiñtia, neibhah katkam i chem kiwa thooh bniah, u kre yarap bha u yei chait i khiah ki bru.
Ha kani ka sngi da wan chimbynta da ki warep na East wa West Jaiñtia, wei neiliang ka KVK da pynyoo nongmuna ko leh wa ya u kre ye u pynemkaam hei wow chet Cake, u chet ki jait baam waphær waphær, wym toh du deiwa khleh lang ha u khoo heipor chet ja wei hawa pynemkaam hawa chet kiad kam nachwa.
Heiyatoh won wa i myntoi wa yoh ki bru na u kre yow lait nei kjut wa boonjait, da batai bniah da ka Dr. S. Suja, Senior Medical & Health Officer DMHO, West Jaiñtia Hills District.
Heiyatoh wa i rukom rep kamjooh i rukom pynemkaam ya u kre heipor nachwa da batai da kawi na ki warep ka chnong Khanduli, ka T. Surong.
Kamwa ha kani ka jooh ka sngi da lehkmen leh yaka World Soil Day, neiliang ka L. Lakiang, DAO East Jaiñtia Hills District da pynkynmoo ko yei kordor ka rym-aw wa chong wa sah ki bru wym toh u leh dusmon yaka tangwa toh u sumaar u yada khnang wa ki pateiñ hadien leh u yoh kyrkhu ki naka, khamtam ka khyndaw waka um kiwa pynim ya u bru.
U S. Rani, DHO West Jaiñtia Hills District da pynche u wa ya u kre ye u pynlai yaaw kylleiñ deiwa pynkylla hei rukom waphær waphær wei i dor leh toh uwa ye dai bha.
Kamtæ kyntu u wow pynheh chooh chooh i rep kre deiwa yaleh u pynmih rap boon, wei kyntu u leh ya kiwa da stat u kyruiñ ki chei rep i riang, neibhah haka juk katni la bien u rep da kiwa da lai puræ, ka kaam rep leh u ku bha ko neibhah smat sñiawthooh ki ya iwon iwon i sikai wa yoh ki.
Da yoh chooh chooh i batai ha kani ka sngi naka R. Lyngdoh kawa da batai hajrong ka phang “Millets a boon to soil and water, a source of life” wa naka E. Jyrwa, Supervisor ICDS hajrong ka “CDS Program on Health & Nutrition”.
Chwa ini da yoh i klam yahkhmat na u Dr. D.Paswet, Senior Scientist & Head KVK Jaiñtia Hills.
Discussion about this post