Shillong: Kam chibynta ka lehkmen yaka Rashtriya Poshan Maah, da pynman yaka Poshan Mela wa chi sngi kamjooh ka pynkup burom ya ki Anganwadi Workers ka Mylliem C&RD Block wa pynman daka Block Convergence Committee, Mylliem C&RD Block ynnin ka sngi ha chnong Pomlum.
Ka D.V. Massar, District Programme Officer ICDS (Cell), East Khasi Hills da wan ko kam ka kongsan hei emlang u P.T. Passah, BDO Mylliem C&RD Block, ka M. Kshir, BDO Mawpat C&RD Block, ka F. Sun, CDPO, Mylliem C&RD Block, Dr. D. P. Syiem, Block Medical Officer, ki waheh chnong ka thaaiñ Pomlum kiwa chong chnong ki wakreh Anganwadi, ki dkhot ki SHG, kiwa sikai wa ki khynnah skur.
Da emlang leh ki chnat sorkar kam ka Agriculture, Horticulture, Animal Husbandry & Veterinary, PHE & District Swachh Bharat Mission, Food Civil Supplies & Consumer Affairs, Community Food & Nutrition Extension Unit, Shillong, Sarva Shiksha Abhiyan, District Election Office, Mylliem ICDS Project wa ki SHG kiwa da booh ya ki thaw pynyoo rong ya ki mar ha kani ka Poshan Mela.
Kam chibynta kani ka sngi da pynkup burom leh ya ki wakreh Anganwadi Workers ki Helper ka Mylliem C&RD Block, da pynman leh yaka yakob chet wei da saam leh ya i baam da i dud wa ki pylleiñ cha ki khynnah wei da pynyoo ya ki leh ya ki 8 tylli ki bynta wow sait kti wei da pynman leh yaka lehke drama chaphang ka kjut duna snam wa i pynhiar wa da leh da kiwa lai puræ haka Martin Luther Christian University.
Discussion about this post