Jowai: Ka Joint Inspection namo ka lai sylli yaka wah Lukha hapyrdi ka sorkar jylla lyngba u Deputy Commissioner, East Jaiñtia Hills wa waroh ki sahep ki chnat sorkar waphær waphær deilang waka ka 6 Shnong Wah Lukha Association, ynnin ka 29 tarik, da lai hiar cha ka wah Lukha waka wah Lunar.
Neiliang ka sorkar da yahkhmat da u Deputy Commissioner, u FM Dopth deilang wa u SS Syiemlieh, ki sahep sorkar naka chnat DMR, Industries, Meghalaya State Pollution Control Board, PHE, Water Resource, Agriculture, Fishery, Swachh Bharat, Territorial Forest, Wildlife Department, PWD wa kiwi kiwi de.
Da yoh u lai pait ya ka wah Lukha chadooh cha Khaddum wei da yoo dei khmat da waroh kiwa lai Inspection wa ka wah Lukha da chem wa khooid cha wah wei hadien wa Test yaka Wah Lukha da chem wa em ko pH Value kawa da poi hadooh 8.3 iwa pynyoo wa biang hi ko, wei hadien ini da lai cha ka wah Lunar wei da chem leh ki jakhlia kiwa suba wa poi na ki Cements Plant ki wa em hapoh Narpuh wei manda Test ya ka um kawa em ha Wah Lunar da chem wa ka PH Value em ko kamwa 4.9 iwa pynmoo wa joor ka Acid. Ka um wa em pH Level kawa 6.5 cha wah man ki kiwa joor ka Acid katwa kiwa em 6.5 hadooh 8.5 da kheiñ ya kiwa man kiwa biang.
Da chem leh wa ka wah Lukha manda yachem ko wa ka wah Lunar da jakhlia ko wei chwa wow yachem waka wah Lunar man ko kawa khooid.
Hadien ini da da lai Inspection cha ka karkhana Star Cement wei da rai leh u DC wa daw lai biang deiwa yah lang wa ki Scientist kiwa chemphang bha hajrong kani ka kaam khnang yow pyndep noh ya kani ka kaam.
Neiliang u DC da kular u wow pynkrehkam ya kani ka Project lyngba ka Scheme DMF khnang wow pynkhooid ya ka wah Lunar khnang wa ki jakhlia wa ki Industrial Wastes ym yoh de ki u tooid cha ka Wah Lukha.
Neiliang u Secretary ka 6 Shnong Wah Lukha Association, u Daiapherbha Lamare da pynsñiaw u yei sñiawngooh ya u DC yei chimkhia yong oo ha ka wow pynkhooid noh ya ka Wah Lunar khnang wa ki jakhlia ym tooid de ki cha wah Lukha. Da kyrpaad u leh ya u DC wow pynsmat ya kani ka kaam khnang wa ki 6 Shnong u yoo biang ki ya ka wah Lukha kam ha ki por 15 snem nachwa.
Kam wow pynkynmoo ka wah Lukha da kylla rong suiñ bneiñ ko nyngkong ha u snem 2007 wei khadooh ha u snem 2015.
Ka wah Lukha chwa wow yachem ko waka wah Lunar 
Ka wah Lukha chwa wow yachem ko waka wah Lunar 
Ka wah Lukha chwa wow yachem ko waka wah Lunar 
I thaw yachem ka wah Lunar waka wah Lukha 
I thaw yachem ka wah Lunar waka wah Lukha 
I thaw yachem ka wah Lunar waka wah Lukha 
Ka wah Lunar 
Ka wah Lunar 
Ka wah Lukha heibynta ka yingkieñ Sonapyrdi katni
Discussion about this post