Kamwa da yaleh lang ha waroh kawi ka pyrthai yow pynsñiawthooh kamjooh yow jop yaka kjut wa maa bha kawa tip kam ka Rabies Disease, ka Jaiñtia Hills District Unit of the Meghalaya Veterinary Services Association (MVSA-JHDU), deiwa ya krehlang waka District A.H. & Veterinary Department, West & East Jaiñtia Hills District, da chimbynta ko wow pynman yaka World Rabies Day 2020 ha waroh ki C&RD Block Veterinary Dispensaries ka East wa West Jaiñtia Hills wa ha Veterinary Hospital, Jowai.
Ynne ka sngi ka 28 tarik kawa man leh kam ka World Rabies Day kawa da pynman hajrong ka phang “End Rabies: Collaborate, Vaccinate”. Da pynman yei e Inject wa mynkna namo ka Free Anti-Rabies Vaccination Camp ha Amlarem, Khliehriat, Laskein, Thadlaskein, Saipung wa ha Veterinary Hospital, Jowai.
Ki Doctor deilang waki Veterinary Assistant da booh neibynta ki 167 tylli ki chnong yow e Inject yaki ksaw ha ki 6 tylli ki Veterinary Centres hapoh Jaintia Hills.
Ha kani ka sngi da sumaar leh ya ki kha wa em ki ksaw wei da khana leh yaki tre yei emkaam wow e dawai wieh yaki mrad wa ri ki kamjooh yei emkaam wow e Inject heipor wa biang.
Ha ki snem wa da dep, da jooh pynman ya kiwa boon ki yalang pynsñiawthooh paidbah, ki Vaccination Camps waki yakob Quiz kam chibynta ka World Rabies Day, tangwa ha uni u snem neidaw wa em ka khlam COVID-19 deiwa bood yaki kyndon sorkar, ha uni u snem haka World Rabies Day 2020 da ye du wow e Inject deiwa pynman ya kini ki Vaccination Camp ha ki thaw wa da kdaw haneiñ.
