Ynnin ka sngi da pynman ya ka ya syllok namo ka Counselling Programme on Child Marriage & Sex Education for Children and Adolescence, wei ya kani da pynman kam chibynta yong ka lyngkhooh snem wa 7 yong ka Adolescent Health Program (RKSK) Program ha Meghalaya wei da pynman ya ka ha Nongsyntoiñ Hall Tuber Kmaichnong da ka yung krehkaam District Medical and Health Officer, East Jaiñtia Hills District hei emlang u waheh chnong wa General Secretary ka Seiñraij Tuber.
Da wan chimbynta ha kani ka esikai wa i pynsñiawthooh toh da kiwa sikai skur, ki khynnah, ka Women’s Wing ka Seiñraij Tuber wa ki dkhot ka 7 Thyndai Child Care Institute cum Counselling Centre, DCPO ka Khliehriat, Adolescent Health Counsellor wa kiwi kiwi.
Ya ka yalang da pynlai da ka Tiewmihpli Lyngdoh kawa man leh ka Chairperson ka 7 Thyndai Child Care Institute cum Counselling Centre heiwa ya ki kyntien pdiang burom da e da ka Milis Dkhar.
Neiliang u Jiedlang Sana uwa man u waheh chnong da ekhublei u ya ka yung krehkaam u DC wa ka chnat i chait i khiah kiwa da pynman ya kani ka esikai wa i pynsñiawthooh.
Ki bru chemphang ha kani ka sngi toh ka Adolescents Health Counsellor ka Daphihi Passah kawa da batai hajrong ki phang Sex Education, Growth and Development, Unsafe Sex, Causes and Effect of Teenage Pregnancy wa kiwi kiwi.
Neiliang won u DCPO u Teibor Kyndiah da batai u hajrong ki aiñ kam ka POCSO Act 2012, Sexual Assault, Constitution and Fundamental Rights of Children and Women, Juvenile Justice Act wa kiwi kiwi.
Neiliang u Secretary ka Seiñraij Tuber u Jolby Sana da klam u hajrong i man i long ka imlang sahlang wa katni wei kammon da kylla i, da pynkut won ya ka esikai da ki kyntien ekhublei na ka Chemsuk Dkhar.
