Da pynman yaka yalang yow pynbait yei rukom noh jhep ha chnong Jowai

Jowai: Ki bor District ka West Jaiñtia Hills ynne da khut yalang ko ya ki seiñ wa pynlai ya ki yaaw namo ki Market Committees wa kynthup ya ka CNI, Jowai Presbyterian, Seiñraij wa ki waheh chnong ka Jowai wow phyllu yumut hajrong i rukom leh ya i jhep namo Management of Solid Waste ha Conference Room ka yung krehkaam u DC, Jowai.

U DC ka District, u Garod LSN Dykes, hawa pdiang burom ya waroh da ong u wa ka thong yong ka yalang toh wow pyrkhat wei wow kammon u leh yei jhep wei wow pynman ya ka Jowai kawa khooid.

Da ong u waroh tip ki yei myntoi yong i khooid i jngiar wei da pynman yei pynkhooid chnong dei langær ha ki chnong tangwa iwa emkaam dooh katkam wa man katni toh wow tip yei kaamram yong uwi pa uwi nadooh na yung wei wow bood ya ki hukum ka NGT wa ki kyndon ka Plastic Waste Management Rules 2016 wa Solid Waste Management Rules 2016.  

Heiyatoh wei taroi ki plastic ha ki thaw yaaw, da pyntip u wa da pynmih ya ki hukum dei langær wow khang u pynemkaam ya ki muna Plastic ha waroh kawi ka District wei ya kiwa leh pyrchah daw pynchitom ya ki katkam ka aiñ. Da kyntu u leh ya kini ki seiñ pynlai yaw wow hukum ya ki dukan hapoh u pood yong ki wow leh yeiwa emkaam. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da pachat yumut u leh wow pynman ya i pynche paidbah ha ki yaw wei wow pynkhooid ya ki dooid ki liar kiwa tooid cha ka wah Myntdu. Da kyrpaad u leh ya ki waheh chnong wow pynman ya i pynsñiawthooh paidbah wow bhah ya i jhep na kiwa pyut wa ki wym pyut. 

Neiliang ka CEO ka Jowai Municipal Board kawa man leh ka Additional Deputy Commissioner, ka R.S. Manners da pyntip ko wa le tylli ki dorbar chnong na ka sor (Urban) wa kynthup ya ka Caroline Colony, Tpep Pale wa Khimmusniang da chah jied ki wow man kam ki Model Localities wei da e ya ki da ki borti noh-jhep (Garbage Bin) wow bhah ya ki jhep wei ha ki chnong palat sor won kam ha Laskein, Thadlaskein wa Amlarem da jied ya ki wow man kam ki Model Village. 

Da kyntu ko leh ya ki dorbar chnong hapoh u pood ka Municipal wow krehlang wa ka Board wei wow dam u noh yei jhep harood sarok tang wow yang ya ka kari kit jhep ka Municipal neibhah wa da booh yei por hei wow wan kini ki kari ha jar jiar ki chnong. 

Heiyatoh won wa kiwa chong dai ha luti lai kjat, da kyntu ko ya ki seiñ wow e yei pyrtuid yong kiwa chong dai khnang wow ye u leh yeiwa emkaam.