Sohra: Ka tamasa Youth Health Festival kawa chi sngi kawa pynman hajrong ka phang “Healthy Body, Smart Mind” da pynman daka yung krehkaam ka District Medical and Health Officer, East Khasi Hills, Shillong hapoh i pyrtuid ka National Health Mission kawa yatoh waka Rashtriya Kishor Swasthya Karyakram (RKSK)— neibynta i chait i khiah kiwa dang khai khynroo, ha Swami Vivekananda Auditorium, Sohra ynne ka 25 tarik.
I thong wa kongsan kani ka prokram toh wow pynsñiawthooh ya ki khynroo khyllood ya ki kaam wa yatoh waka RKSK kawa da pynkrehkaam wow yarap ya kiwa dang khai kynroo khyllood kam ha i chait i khiah wa kynthup yaka HIV/AIDS, i sih wa mih na i dih Drug, i chait i pyrkhat pyrdaiñ, i baam wa emkaam u baam wa kiwi kiwi.
Da wan wow chimbynta da kiwa boon ki skur wa em hapoh ka Sohra Civil Sub-Division deilang wa kiwa mihkhmat ka chnat i chait i khiah wei da pynman ya kiwa boon ki prokram kam chibynta kani ka tamasa kiwa da wan chimbynta da ki khynnah skur.
U kongsan ha kani ka sngi toh u Giri Prasad, IPS, Sub-Divisional Police Officer, Sohra wei da emlang ka Dr. Adreena Lyngdoh, Addl. DMHO, East Khasi Hills District, Dr. K. Kharnaior, In-Charge Sohra CHC, Dr. G. E. Swett, Sr. M&HO, Sohra CHC, u M. Rymbai, Officer-in-Charge, Sohra Police Station, u Truman Basaiawmoit, Psychologist, DMHP, NHM, Shillong wa kiwi kiwi.
Hawa e yei klam, u Giri Prasad, IPS, SDPO, Sohra da pynsñiaw u yei sñiawkmen wow yoh u emlang ha kani ka sngi kawa em i thong wow yahluti wei wow sikai ya kiwa dang khai khynroo yow heh u san ki hei dur wa biang yow ye ki leh wow yahkhmat yaka ri ha kawi ka sngi.
Heijooh i por da ong u wa kiwa dang khynroo toh kiwa emkaam bha wow chdooh ki yow lait ki na ki kaam wa sih yow lait ki wow pyrchang yei kaam wa sih manda heh da san ki. Kamtæ da pynchlur u ya kiwa chimbynta wow chim kabu ya ini wa yoh sikai ki.
Ha chwa ini, da pynman yaka lai paidbah namo ka Rally, ka Open Quiz Competition, Debate Competition hajrong ka phang ‘Social Media- A Boon to Social Life’, ki rwai ki chaad wa kiwi ki jait yalehke.
Da yoh leh yei klam hajrong ka chongkha dang khian rta, HIV/AIDS, ka aiñ POCSO Act, Drug Abuse, Mental Health & Life Skills wa kiwi kiwi de.
Da saam leh ya ki khusnam cha kiwa jop ha ki yakob chwa wow pynkut ya kani ka tamasa.
Discussion about this post