Ka pynsñiawthooh paidbah kawa chi sngi kawa tip kam ka One Day District Level Sensitization hajrong ka phang “Combating Child Trafficking” da pynman ya ka ynnin ka sngi kam chibynta ka World Day Against Human Trafficking da ka National Commission for Protection of Child Rights deilang waka Meghalaya State Commission for Protection of Child Right kamjooh ki bor District ka East Khasi Hills ha ka Conference Hall ka Deputy Commissioner ha Shillong.
Da ya emlang ha kani ka sngi da ka R. Manners, MCS, ADC waka D. Kharshiing, MCS, ADC, ki dkhot ka Juvenile Justice Board, Child Welfare Committee, ki sahep ka Special Juvenile Police Unit, ki pulit, ki heh ka Border Security Force, ki sahep wa ki wakreh ka District Child Protection Unit, East Khasi Hills District, Shillong.
Neiliang ka Iamon M. Syiem, Chairperson (MSCPCR) da klam bniah ko hajrong i emkaam ki sahep sorkar kamjooh ka imlang sahlang wow ya krehlang ki heiyatoh wa i chah rahbor ki khynnah kamjooh yow tip yei hok ki khynnah.
Ka Shaista K. Shah, Senior Technical Expert, National Commission for Protection of Child Rights da klam ko hajrong ka phang ‘Combating Child Trafficking’.
Ha India i chah rahbor ki khynnah da jia i ha ki khappood wa kiwi ki ri ha ki bynta ki wym pu em kær wei kiwa emkti ha kini ki kaam da chim kabu ki ya ki khynnah hadooh wa da hap maad ki khynnah ya iwa chyrkhei iwa da ktah ya ki waroh chirta.
Yow leh pyrchah yeini, ka National Commission for Protection of Child Rights kawa da thung hapoh ka aiñ Commission for Protection of Child Rights Act, 2005 wow pait ya kini ki kaam, da pynman ko ya ki pynsñiawthooh paidbah ha ki 75 tylli ki District heiwa na kini 8 tylli toh ha ki District ka Meghalaya wa kynthup ya ka East Khasi, West Khasi, West Garo, South West Garo, South Garo, South West Garo, East Jaiñtia wa West Jaiñtia.
