Jowai: Ka Ministry of Electronic & Information Technology yong ka sorkar pyrdi chirrup wa ka Clean to Green da pynman ki ya i pynsñiawthooh ha ki le tylli ki skur ha Jowai ha ka 29 tarik uni u bnai.
Ya ini i pynsñiawthooh da pynman ha Little Angles Secondary School, Jaiñtia Higher Secondary School wa ha Presbyterian Higher Secondary School hajrong ka phang Electronic and Plastic Waste Awareness Programme.
Ha kani ka pynsñiawthooh, u Sumeet Agarwal, u Lamjingshai Kharlukhi, u Aiborlang Passi wa u Rimiki Pajuh da wan pynche ki hajrong i maa wa ktah nei noh kulmar ya ki E-Waste namo ki Electronic Waste kam ki tiar wa wa em napoh Computer, ki Phone wa kiwi kiwi.
Da batai leh wa kammon wow noh ya kini ka jait tiar wa man ka bih wa maa ya ka Rymaw.
Chooh chooh da batai leh heiyatoh wa ka Green to Clean kawa man leh ka Website kawa yei ki paidbah u yoh yei che hajrong kani ka phang.
Discussion about this post