Ka Jaintia Network Society hei ya krehlang wa ka Nehru Yuva Kendra Sanganathan Jowai (NYK) da pynman ki ya ka pynsñiawthooh wa ki yakob kam chibynta yong ka thong krehkaam ka National Water Mission hajrong ka phang “Catch the rain, where it falls, when it falls” namo wow pynlang yaka um-slap manda haap ko, ha i thaw wa haap ko. Kawa da pynman ynne ka sngi ha ka chnong Myrjai wa ka chnong Mupliang kiwa haap hapoh ka West Jaiñtia Hills District.
Da sdang ya ka yalang deiwa pynman yei pynsñiawthooh da ka D. Nongtdu hajrong ka phang “Kammon u pynlang ya ka um-slap” wei da batai leh chaphang i duna um, wa i maa wa wanrah ko ya ki bru ha ka imlang sahlang wei ya ka chnong ka thaw waroh kawi. Da batai leh ya kiwa boon ki laad ki rukom wow pynlang um-slap, kam ki Rooftop Water Harvesting, Surface Run Off, ka Jalkund wei kamjooh leh ha ki nan wa kiwi kiwi.
Hadien kani ka pynsñiawthooh paidbah, da em ka yaleh Drama hajrong ka phang “Catch the rain, where it falls, when it falls”. Da em leh ka yakob Quiz Competition, ka Drawing Competition waka Wall Writing Competition.
Da em boon kiwa ya chimbynta, wei da saam leh ya ki khusnaam cha kiwa yoh nyngkong, wa ar wa kiwa yoh wa le deilang wa ki khusnaam cha waroh kiwa chimbynta.
Da pynman leh yaka lai paidbah ha ka chnong Mupliang dei thmu wow pynsñiawthooh ya ki paidbah chong chnong yei kordor ka um.
Ha kani ka sngi da wan wow chimbynta da ki khon khynroo ka chnong deiwa ya emlang ki manbei.
Da pynwai ya kini ki yalang deiwa e yei klam na ki manbei yong ki chnong wei da e ya ki kyntien e khublei da ka L. Kyndiah kawa man ka dkhot ka Jaintia Network Society.
