Ha ka 27 tarik uni u bnai da pynman ya ka Health Awareness Camp da ki khynnah puræ ka Department of Psychology, ADBU, Guwahati ryngkat i yaraplang ka Meghalaya AIDS Control Society wa ka Ergos Life Sciences Pvt. Limited ha Maia Superspeciality Clinic, Khliehriat hajrong ka phang Sexually Transmitted Diseases (STD).
Ha kani ka yalang yoh i klam na ki khynnah ka ADBU wa kynthup ya ka Rajeshwari Shekhawat, u Mawlsam H L, u Jemya Walling wa ka Monalisa Wankhar kiwa da pyntip bniah hajrong boonjait ki khut STD kam ka HIV, Syphilis wa Hepatitis.
Da yoh leh i klam na u MD ka Maia Multispeciality Clinic, u Dr. Nichwa L. Nongtdu uwa da batai bniah chooh chooh hajrong ki rukom e sumaar ya kiwa yoh kjut.
