U Deputy Commissioner, East Jaiñtia Hills District da pyntip u wa da booh ya ki kyndon Policy of Testing on Payment and Paid Isolation hapoh ka District nadooh ka 16 tarik uni u bnai kiwa yatoh wa i bai su ya i leh Test COVID-19 wa i leh Quarantine iwa dei hap su.
Katkam kini ki kyndon i rukom su ya kiwa wan psiah chapoh jylla kiwa da dep wow Register chwa wow leh Test toh u su ki T. 500 ha ki Entry Point. Ini ym emkaam i neibynta ki bru wa rah ya ka RT-PCR Negative Report na kiwon kiwon ki Laboratory (hapoh 72 kynta nadooh wa chim sample). Da pynchlur leh wow su da ka Mobile Banking khnang wa ym em i yajan namo yabi heipor wa su katwa i rukom su da ka poisa leh pdiang hi.
Ya kiwa kwah u leh Test dei mon sñiawbha yong ki hi (wa kynthup ya kiwa em MHIS Card) kiwa kwah wow leh ya ki RT-PCR/CBNAAT/TruNAT dei mon yong ki khlem phah ki Doctor ye ki wow wan cha ka Community Health Centre, Khliehriat deiwa su T. 3200.
Ya ki Booking wow leh Test ye wow leh Online ha ka www.coronamegh.in wei ya ka bai Test ye u su ha i thaw Test namo deiwa su lyngba ki Mobile Payment namo da ka poisa. Wei ki bru ye ki wow lai cha kini ki thaw Test iwa chong hei lait thaw wow leh ya ki Test.
Ki bru wa haap hapoh ka Below Poverty Line (BPL) kiwa em ya ki Yellow & Pink NFSA Card, ye ki wow Test khlem su ha kiwon kiwon ki thaw sorkar hadien wa phah ya ki wow leh ya kini ki Test da kiwa sumaar wei chong leh hei lait thaw (Availability) katwa ki Test ha ki thaw ki bru samen (Private Facility) ye wow leh deiwa su poisa donhi.
Ya ki High Risk Contact wa ki Containment Zone, kiwon kiwon kiwa man High Risk Contact wei emkaam wow leh Test katkam wa phah ka chnat i chait i khiah ye ki wow leh ya ki Test khlem su poisa wei kini toh du ya kiwa phah da ka District Surveillance Team donhi.
Ka Policy for Paid Isolation da ong ko leh wa hajrong i pynthymme ya ka Discharge Policy, ye u leh ya ka Paid Isolation (ka Quarantine deiwa su) toh neibynta kiwa man Positive wei em ki ha ka Category A namo B kiwa ym emkaam wow sah Hospital.
I dor neibynta ka Paid Isolation toh katkam wa booh da ka yung krehkaam u Deputy Commissioner heiwa ka bai baam u yaphær ko wei u su da kiwa sah donhi weiwa ki thaw neibynta ki Paid Isolation toh kiwa daw pynmih da u Deputy Commissioner.
Heiyatoh wa i rukom su ya ka bai baam ha ki Corona Care Centres, kitu kiwa wan na ki manyung BPL kiwa em yaka Card (Yellow wa Pink NFSA Cardholders) ym emkaam ki wow su ya i bai baam. Katwa ya kitu kiwa hap su, u Deputy Commissioners daw pynbna won u ya i dor. Heijooh i por leh chah hi wow wanrah baam na yung da kiwa hayung hasem kiwa em hapoh ki Corona Care Centres.
