Kam chibynta wow yaleh pyrchah yei poor u khñiang COVID-19 hapoh ka ri kamjooh hapoh ka East Jaiñtia Hills District wei yow poi ka thong wow ya jngai uwi na uwi u bru namo ka Social Distancing kamjooh yow bood ki kyndon ka sorkar Meghalaya ka Health & Family Welfare Department, u District Magistrate, East Jaiñtia Hills District, da pynmih hukum u ynne ka 23rd March, 2020 hapoh Section 144 Cr.PC kamjooh deiwa bood yaka Regulation 3 ka The Meghalaya Epidemic Disease, COVID-19 Regulation 2020, deiwa khang yei lai ki kari samen (Private Vehicle) na kawi ka District cha kawi nadooh ka 24th March, 2020 hadooh ka 31st March, 2020 wei hadooh wa pynmih hukum da kamwi.
Kani ka hukum ym krehkaam ko ya kitu ki wakreh haka Health Services wa kynthup yaki Doctor, Nurse, Paramedical Staff, Emergency Response (108), ki wakreh ka National Rural Health Mission, MeECL, Public Health Engineering (PHE) Department, Public Work Department (PWD), Police & Armed Forces, Fire & Emergency Services, Food & Civil Supply Department, Shillong Municipal Board, Telecom, Telegraph & IT Services, Banks wa ATMs, ki kari wa kit mar wa emkaam man ka sngi (Essential Commodities), kiwa kit yaki Security Forces, wa kit yaki Medical Equipments & Goods ye ki wow lai hadooh daki kari samen (Private Vehicles) yong ki deiwa biah yaka Sticker kawa pyntip wa ki toh na ki ka chnat wan ki deiwa booh leh yaki kyntien ‘On Essential Duty’.
U District Magistrate da pyntip u leh wa waroh ki Officials wa em Duty ye ki wow pynemkaam yaki kari samen yong ki kiwa toh u em yaka Sticker wa pynyoo naka yi ka chnat sorkar wan ki deiwa thoh leh yaki kyntien ‘On Government Duty’.
Kani ka hukum u krehkaam ko nadooh 10:00 P.M. myntu ka 23rd March, 2020 hadooh ka 31st March 2020.
Discussion about this post