Jowai: Ha ka 13 tarik uni u bnai ka Kirloskar Brothers Limited da wanrah ki ya 3 tylli ki Pump wa khlan bor 50 HP ha Ksan, EJH yow yarap wow sai um na ki krem mooyong wei kini ki Pump wa dang wanrah thymme ye ka wi wow sai um 90000 liter chi kynta.
Ya kini ki Pump dang pynkhreh thaw wow booh ya ki.
Haka 14 tarik won ki Engineer wa ki Technician ka Star Cement da wan ki wow yarap wow booh ya ki thaw wow pynchong ya kini ki Pump ha ki ar tylli ki krem mooyong.
Ynne ka sngi da wanrah chooh ya ki tiar ki tar wa emkaam wow chna ya i thaw booh ya kini ki Pump da ki Contractor.
I taan um man i iwa dang pteiñ hi heiwa ka CIL ynne ka sngi da taan um ko 18 kynta nadooh ynnin ka sngi hadooh 5 waje i janmiet ynne ka sngi wei da sai um 2430000 liter.
Ka Kirloskar da taan um ko 16 kynta deiwa pynemkaam du ka wi ka Pump hadooh 5 waje i janmiet ynne ka sngi wei da sai um 1440000 liter.
Ka KSB won da pynemkaam ko mar 16 kynta ya ki ar tylli ki Pump yong ka hadooh 5 waje i janmiet ynne ka sai wei da sai um ko 6336000 liter.
Discussion about this post