Jowai: Ynne ka sngi da pynsangeh ya ka yalehke Final ka Madankynsaw Premiere League (MPL) wa ka Fight Night Season 2 yong ka Dorbar Chnong Madankynsaw Mowkyndeng. U waheh chnong da pyntip u wa da leh ya ini neidaw wa joor u slap ha kini ar sngi le sngi wa da pynsih ko ya ka madan bol yong ka chnong heiwa da em i bynta leh wa da ur ka thaw chong ke ki paidbah (Gallery) yong katai ka madan.
Hei yatoh wa ka Fight Night kawa man ka Boxing Tournament yong ka chnong da pynsangeh chwa leh chipor neidaw wa hap yaleh yaka ha lait (Open Air) neidaw wa ka chnong hi hadooh kini ki sngi ym pu em ko yaka Indoor Stadium yong ka.
Neiliang ka EC yong ka chnong da pynsñiaw ko yei budnood hajrong wa hap u pyndam chwa ya kani ka yalehke wei da kyntu leh ya ki khynroo yong ka chnong wym hoi u dooh kyrmen ki na ini wa jia.
Ha kani ka tayaw wa daw wan u pynman biang ya kini ki program manda dep u pyndep chna chwa ya ka Madan.
Kani man ko leh kam wow pyntip cha waroh ki paralok parajor kiwa kwah u wan paitke ya kini ki yalehke hapoh ka chnong ka thaw.
Discussion about this post