Da pynsangeh wow kyrriah ya ka PWD (R) North Jowai Division na Jowai cha Shangpung

Jowai: Katkam ka hukum wa da pynmih da u PR Marwein, wa man kam u Secretary ka chnat Public Works Department (R&B) wa da pynmih ha ka 22 tarik uni u bnai da pynsangeh wow kyrriah ya ka Headquarter ka PWD (R) North Jowai Division na Jowai cha Shangpung.

Heijooh i por da pyntip wa da pyndam chwa wow pynkylla ya i pyrtuid kani ka yung krehkaam.

Kam wow pynkynmoo heini wa hadien wa da rai wow kyrriah ya kani ka yung krehkaam na Jowai cha Shangpung da mih i pyrchah joor na ki paidbah kamjooh leh ki seiñbhalang.