Ynne ka sngi, ki heh yong ka Party NPP 3-Raliang Block da wan thung ki ya ka Unit yong ka Party ha ka chnong Kyndongtuber deiwa emlang u President, u Ngaitlang Suchiang, u Secretary, u H. Iakai, u Comming One Ymbon, MLA wa kiwi kiwi ki dkhot ka NPP na ka Raliang Block kamjooh leh wa ki waheh wasian yong ka chnong Kyndongtuber.
Hakani ka sngi da jied ya kiwa kitkaam yong ka Kyndongtuber Unit kiwa man kamni ha wah:
President- U Harbiwel Kyndait
Vice President- U Moses Dkhar
Secretary- U Ngaitlang Chyrmang
Assistant Secretary- U Everlastingson Pakma
Treasurer- U Rilinius War
Da pynskem leh ya kiwi kiwi ki waheh, ki khynroo wa ki manbei kam ki dkhot ka Executive Body wei daw pynpsiah leh cha ka Party ya waroh kiwa em yumut u yasohlang.
Ya kini kiwa kitkaam da pynskem da u President ka NPP 3-Raliang Block u, Ngaitlang Suchiang.
Hawa klam ha kani ka yalang, u Coming One Ymbon da pynsñiaw u yei kmen wa ka Party NPP da sdang ko u soohthied biang ha kani ka chnong wa ki thaaiñ wa marjan wa em hapoh ka Constituency yong oo. Da khut u leh ya waroh ki paidbah wa chong chnong wow kyrchaan biang ki ya oo sa chisien yoh u pyndep yaki kaam kiwa dang sah heiyatoh waki kaam pynroi.
Kiwi kiwi kiwa klam kiwa neiliang kiwa chong chnong da pynsñiaw ki wa ini i wai yaka Unit toh neidaw wa u MLA da leh u boon ki kaam wabha haka chnong kamtæ da su kylliang yeini deiwa rai ki u psiah cha ka Party wow kyrchaan ya oo haka Election kawa daw man hu 2023.
Kani toh ka wyrta wa phah da u Secretary ka NPP Kyndongtuber Unit, u Ngaitlang Chyrmang.
