Da pynskem ya ka PDF East Jaintia Hills District Committee, pynbna sa ar ngut ki kyrtong

Jowai: Ka People’s Democratic Front  (PDF) ha ka 5 tarik uni u bnai da pynbna chooh ko sa ar ngut ki kyrtong wow yaleh MDC cha ka JHADC.

Kini toh u Planning Rymbai na ka Moosniang-Ryngad MDC Constituency wa u Susil Dkhar na ka Barato-Mukroh MDC Constituency. Kamtæ deilang wa kini ki ar ngut ka PDF da sai ko waroh 9 ngut ki kyrtong ki wow yaleh MDC cha ka JHADC.

U Planning toh uwa jooh yahkhmat ya ka UDP ha Khliehriat Constituency tangwa da psiah noh u cha ka PDF.

Chooh chooh ka PDF da pynskem ko ya kiwa kitkam ka Moosniang-Ryngad Committee deiwa jied ya u Shanbor Rymbai kam u President, u Kyrmen Siangshai kam u Vice President wa u Deilang Dkhar kam u General Secretary.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Nalor kini da pynskem ya u Arbilik Siangshai kam u Assistant Secretary, u Wingson Dkhar kam u Working President, u Nangtei Siangshai kam u Finance Secretary, u Hame Siangshai kam u Organising Secretary wa u Bedson Rymbai kam uwa e buit.

Kini kiwa kitkam toh kiwa jooh em ha khmat ka BJP waka UDP wei da pdiang burom leh ya u Prosti Siangshai uwa na ka UDP. Da pynskem ya kiwa kitkaam da kiwa yahkhmat ka PDF East Jaintia Hills District Committee hei yahkhmat u President, u Shibor Lamare .