Da pynskem ya kiwa khih mylla Muster Roll hapoh East Jaiñtia Hills

Jowai: Ka Jaiñtia Public Works Department Muster Roll Workers & Labour Union, kam chibynta yow yajan yow suk i rukom krehkaam hapyrdi ki Muster Roll wa kiwi tawon kiwa kreh mylla sngi ha jar jiar ki C&RD Block ha waroh kawi ka Ri-loom Jaiñtia da khut ko ya ka dorbar paidbah yong kiwa kreh Muster Roll hapoh ka thaaiñ.

Kani ka dorbar toh neibynta kiwa kreh ha ki chnat office sorkar kiwa em ha u pood u ang ka East Jaiñtia Hills District wei da pynman ya ka ha ka 23 tarik uni u bani 2019 heipor 10:30 i step ha Jaiñtia Eastern College Khliehriat.

Ha kani ka sngi da chna leh ya ka Unit krehkaam ka seiñ ha ka Khliehriat Block.

Ya ka Dorbar da pynlai da ka Banaras Dhar kawa man kam ka General secretary ka East Jaiñtia Hills District.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da yoh yei klam na u K.L. Pariat u President ka seiñ uwa da batai ya i krehkaam ka seiñ ha ki bnai wa dadep kat hadooh iwa da mynjur ka sorkar hapoh i yahkhmat u P. Tyngsong wa man kam u symbood montri rangbah wow pynku ya ka nongsngi warim kawa T. 196.

Ya kani ka nongsngi u su ka sorkar nadooh ka 01 Naitung (April) 2018 hadooh ka 30 Naikhynde 2018, wei wow pynku ya ka nongsngi ki Muster Roll na ka T. 196 chisngi cha ka T. 300 chi sngi kawa u krehkaam nadooh ka 01 Naichiphaw 2018, kamjooh ya i mynjur wow pynku ya u snem wow chong ngiah ki Muster Roll na ka 58 snem cha ka 60 snem wa kiwi kiwi.

Ka seiñ da yooluti ko wa u Principal Secy. ka chnat Labour ka sorkar jylla daw pynmih hukum u halor i  dawa ka seiñ wa ka sorkar ha i yaklam ha ka 21 Kmaichonglad 2018.

Ha kani ka dorbar da yoh ya i klam na ka Kyrmen Sutnga, u Shanbor Dkhar Asstt Genl Secy, na ka Rika Lyngdoh.

Ha kani ka sngi da pynskem da kyrkhu kyrdoh ya waroh kiwa krehkaam ka Jaiñtia Public Workers Department Muster Roll Workers & Labour Union, Chnat East Jaiñtia Hills District na u K. L. Pariat President ka seiñ.

Kiwa kitkaam ka JPWDMW & LU, Chnat East Jaiñtia Hills District kynthup ki ya kini hawah:

President – Ka Kyrmen Sutnga

Vice President – Ka Shembha Suchen

General Secretary – Ka Banaras Dhar

Asstt. Genl Secy. – Ka Darimika Suchen

Treasurer – Ka Rika Lyngdoh

Ki Executive Members:

(i) Ka Wanburom Sungoh

(ii) Ka Rimaya Malang

(iii) Ka Martha Sutnga

(iv) Ka Lily Suchen

(v) Ka Smi Rymbai

(vi) Ka Wednesday Pachiang

(vii) Ka Dangshem Lamare

(viii) Ka Jiedlang Ryngkhlem

(ix) U Stephen Pohdweng