Ka General Meeting yong ka Synjuk Waheh Chnong Jowai wa da chong ha ka 28 tarik uni u bnai ha Community Hall ka Dorbar Chnong Caroline heipor 5:00 waje i janmiet heiwa ka yung waroh da iwi i sur da jied ko ya kiwa kitkaam ka synjuk kiwa man ki kamni ha wah:
U Alan Niangti wow man kam u President.
U Jlan Kupar Rymbai kam u Vice President.
U Riquoma Rq. Laloo kam u General Secretary.
U Ryum T. Khonglah kam u Assistant General Secretary.
U Dame Hiwot Pde kam u Treasurer.
Da rai leh wa waroh ki Waheh Chnong u man hi ki kam ki dkhot wa kyrpang namo ki Executive Member.
Da yoh leh ya i rai wow jied noh ya ka Auditorial Board da ki dkhot wymtoh ki waheh chnong, neibhah ki Auditor hi ymtoh u em ki ha ka Executive Committee.
Kamtæ ka yung waroh kawi da kawi don ka sur da rai wa kini ki dkhot ka Auditorial Board lada chah jied næ ymchah jied kaam de ki ha chnong yong ki leh, u man hi ki ki Auditor ka synjuk hadooh wa kut ka samoi yong ki.
Kamtæ, da jied wei wa da mynjurlang ya:
U Ram Sumer, Panaliar wow man kam u Convener, AB.
U Homelin Bareh, Chutwakhu kam u Member, AB.
U Anderson Manner kam u Member, AB.
Da jied leh ya ki dkhot ka Ambulance Committee nadooh u Chairman wa u Secretary yong ka.
Ka yung waroh kawi da da jied ko ya u Embhahlang Lyngdoh, Waheh Chnong Caroline wow man u Chairman, u Ryum T. Khonglah, AGS wow man kam u Secretary wei u Marsan Pakma, u Aiban BM Shullai wa u Lamphrang Pohktai kam ki dkhot chirup wa u President, Vice President wa u General Secretary– Ex-Officio.
Kitai haneiñ da pyntikna wei wa da pynskem wow kreh ki ha uni u snem 2023 hadooh u Duyatra (Jan) 2024.
