Ka Meghalaya Pradesh Mahila Congress da yoh ko wow pynskem yaka East Jaiñtia Hills District Pradesh Mahila Congress Committee haka 28 tarik uni u bnai haka yalang wa pynman ha Community Hall yong ka Khliehriat West.
Ha kani ka sngi da pynlai yaka yalang da u President rangbah ka Khliehriat Block Congress Committee U Deibormi Syad.
Ha kani ka sngi da yoh yei klam chaphang i rukom krehkaam ka Party na u Piwell Shylla uwa man u Working President ka Khliehriat Block Congress Committee. Wei da pynskem ya kiwa kitkaam yong ka East Jaiñtia Hills District Pradesh Mahila Congress Committee da ka President ka Meghalaya Pradesh Mahila Congress (MPMC) ka Jop Scott Shylla.
Kiwa kitkaam yong ka East Jaiñtia Hills District Pradesh Mahila Congress Committee man ki kamni ha wah:
- President-Ka Jhanika Siangshai
- Vice President- Ka Lasting Nongtdu waka Shimika Sungoh
- General Secretary- Ka Jenita Mukhim
- Asst. Secretary- Ka Ieitlang Dkhar
- Treasurer- Ka Daman Swer, deilang wa 20 ngut ki Executive Member.
