U Phagu Chauhan ynne da pynsmai ya oo kam u Lat wa thymme ka Meghalaya ha ka yalang wa da pynman ha Raj Bhavan , Shillong.
Ya ini i pynsmai da leh da u Justice Wanlura Diengdoh uwa man u Judge ka Meghalaya High Court.
U Phagu Chauhan chwa ini da man u leh kam u Lat ka Bihar wei da chimkti u na u Brig. (Dr.) B. D. Mishra (Retd).
Ya u Chauhan da kha ha ka 01-01-48 ha Azamgarh District kawa em katni ha Uttar Pradesh wei ka kurim u toh ka Muhari Devi wei da em u 3 ngut ki khon chynrang wa 4 ngut ki khon kynthai.
Da jooh man u leh kam u MLA ka Dalit Mazdoor Kisan Party ha u 1985 wei da jop u leh kam u MLA na kiwa boon ki Party wei ha u 2017 da yaleh u na ka BJP heiwa da jop biang u iwa da man leh i sien wa 6 wa jop u.
Ha u Naiynñiaw 2019 da thung ya oo kam u Lat ka Bihar.
