Ka yalang pynsñiawthooh paidbah hajrong ka NALSA Child Friendly Legal Service to Children and their Protection Scheme, 2015 kawa e yarap wow yada ya ki khynnah heiyatoh waka aiñ wei wow yoh yada kawa man kam chibynta ka ‘PAN-India Awareness and outreach’ iwa man leh kam chibynta i lehkmen dap 75 snem i yoh laitlooid ka ri iwa da e pyrtuid ‘Azadi ka Amrit Mahotsav wa ka Legal Services Week hapoh i pyrtuid ka NALSA wa pynman da ka District Legal Service Authority West Jaiñtia Hills ynne ka sngi ha District Library Auditorium, Mynthong, Jowai.
Ha kani ka sngi da emlang u Justice H.S. Thangkhiew, Judge High Court ka Meghalaya wa kamjooh u Executive Chairman Meghalaya State Legal Services Authority, da emlang leh u E. Kharumnuid, MHJS, Registrar General, u Garod LSN Dykes, Deputy Commissioner, West Jaiñtia Hills wa u B. Marak, Superintendent of Police, West Jaiñtia Hills.
Hawa e yei klam, u Justice H.S. Thangkhiew da klam u chaphang kani ka Scheme wa i thong yong ka wei yei emkaam wow pynsñiawthooh yei hok ki khynnah wa i yada wa toh u yoh ki.
Yow pynche chooh chooh, neiliang ka R.B. Kynjing, District Child Protection Officer da klam ko ya ka ICPS waka JJ Act. Ka District Programme Officer, ICDS ka R.D. Lyngdoh won da klam ko chaphang ka ICDS Scheme.
Kiwa mihkhmat naka District School Education Officer (DSEO) da klam ki hajrong ka SSA Scheme. Katwa ka C.W. Lyngdoh, DSP (Crime) da klam ko yei kaamram ka Special Juvenile Police Unit.
Neiliang u Justice Thangkhiew da saam u ya ki khusnaam cha kiwa jop ha ki yakob wa boon jait wa pynman da ka District Legal Service Authority, Jowai.
Hachwa ini, ka B. Khriam, District & Sessions Judge cum Chairperson, District Legal Services Authority ha ki kyntien pdiang sñiawbha da khana ko ya ki pynsñiawthooh paidbah, ki yakob, ka Cycle Rally wa da dep pynman yow pynsñiawthooh kiwa daw pynkut ha ka 14 tarik uni u bnai.
Ya ki kyntien e khublei da yoh na ka R.M. Kharsyntiew, Chief Judicial Magistrate cum Secretary, District Legal Services Authority.
