Da pynsñiawthooh ya kiwa e dawai Pnar heiyatoh wa ka kjut TB

Kam chibynta wow pyndooh ya ka kjut TB, ka yung krehkaam ka District TB Officer, West Jaiñtia Hills District ha ka 25 tarik da pynman ko ya ka e sikai wa chi sngi ya kiwa e dawai Pnar ha Thadlaskein C&RD Block Office ka West Jaiñtia Hills.

Neiliang u Pynkhreh Susngi DPC (District Programme Coordinator) ka Jaiñtia Hills da pyntip u wa kani ka e sikai toh neibynta kiwa e dawai Pnar khnang wow tip ki ya ki dak ki chin yong ka kjut Tuberculosis lada em kiwa phah sumaar wa em ya kani ka kjut.

Ka Dr. E.B.V Laloo, DTO (District Tuberculosis Officer) ka West Jaiñtia Hills da ong ko wa kani ka e sikai toh neibynta kiwa e dawai Pnar yow tip ki chaphang kani ka kjut. Da khana ko leh ya ki dak ki chin kamjooh leh i rukom sumaar bniah ya ki jait kjut TB wa man kam ka Drug Sensitive Tuberculosis (DSTB) kawa ye u sumaar da ki dawai waka Multi Drug Resistance Tuberculosis (MDRTB) kawa ye u leh pyrchah ya ki dawai. 

Da khana ko leh ya i kyrchaan wa e ka sorkar ya kiwa yoh ya ini i kjut kamjooh i e khusnaam cha kitu kiwa lai pyntip cha ki thaw sumaar lada em kiwa yoh TB wei da khana ko leh chaphang ka Pradhan Mantri TB Mukt Bharat Abhiyan (PMTBMBA) kawa man ka Scheme wow kyrchaan ya kiwa yoh kjut TB da ka imlang sahlang deiwa e sñiawbha da ki baam wa kiwi kiwi de ki yarap. 

Related posts

Sdang ka Woodland WK Hospital yei pynkha khon wa khlem kjut iwa nyngkong dooh hapoh ka West Jaiñtia Hills

March 22, 2025

Pynman ka Jowai City YMCA ya ka Health Camp neibynbta kiwa da heh rta

March 21, 2025

Heijooh i por ka Dr. Laloo da batai ko kammon wow pynlang ya i khak khamtam na ki bru wa em ki dak wa yoh kjut TB ki wei wow lai phah Test wut-wut cha ki Primary Health centre (PHC) namo ki Community Health Center (CHC) yow tip lada toh kiwa yoh ya ini i kjut. 

Da ban joor ko leh wow dih tista ya ki dawai wei wow pyndep katkam i por wa da booh.

Ha kani ka sngi da em leh i phyllu yumut hapyrdi kiwa chimbynta wa ki Doctor heiyatoh wa kani ka kjut.

Heijooh i por ha kani ka sngi da yoh leh i chaad i rwai na ki khynnah ka Women’s College, Shillong BSW Department 3rd Semester. 

Da rwai leh ya i sur wa thoh da u Eladmitre Dkhar wei pynwandur won da u DJ Wanshankupar Suchiang kamjooh na u Daeimiki Rymbai heiyatoh wa ka Tuberculosis. Da pynkut ya ka sngi da i pynyoo dur wa kammon ktah ka kjut TB wa i e sumaar mynkna ha waroh ki thaw sumaar.