Jowai: Ka Rotary Club Jowai RID 3240 India ynne ka 7 tarik u da pynthymme ko ya kiwa kitkaam yong ka ha ka yalang wa tip kam ka XXIII Installation Ceremony neibynta u snem (2018-2019 haka yalang wada pynman ha Conference Hall ka Infinity Restaurant, Jowai.
Ha kani ka sngi u Rtn. B.P. Najiar (PHF) da chah jied u kam u President wa thymme heiwa da pynkup ya oo kam u President deilang wa kiwi tawon ki dkhot wa kitkaam da u kongsan, u Rtn. (Dr.) K.S. Elangbam (MPHF) President warim ka Rotary Club Shillong.
U President warim u Rtn. D.F. Majaw hei klam yong oo da khana u yei lai luti ka Club ha ki snem wa da dep hapoh i yahkhmat yong oo wei da pynsñiaw wei da paan maap u lada em iwon i lait wei ymhoi u boh ki lada em itæ, heijooh i por yooluti u wa hei yahkhmat u President thymme u rap ye chooh chooh ka Club u leh ya ki kaam wa bha.
U Rtn. B. Shylla (MPHF) A.G. Zone X yong u snem 2018-19 da ong u hawa em ha ka Rotary Club emkaam u krehlang yow jop i kaam, wei kam u President toh u man kiwa e mynsien ya ki para dkhot khnang yow ye u leh yeiwon iwon wa mut wa mang.
U kongsan Rtn. (Dr.) K.S. Elangbam (MPHF) President warim ka Rotary club Shillong yooluti u wa kani ka club u rap ye chooh chooh ko u leh bha ha ki snem wow wan lyngba i kreh chitom i yatylli ki dkhot, wei wow em leh i ya e mynsein para dkhot khnang yow ye u leh chiboon iwa bha haka imlang sahlang.
Natlor u President wa thymme, u Rtn. B.P. Najiar, da jied leh ia u Rtn. S.K. Lato kam u Vice President, Rtn. J.M.Pohsngap kam u President Elect, Rtn. D.F. Majaw kam u Immediate President, Rtn. A. Sungoh kam u Secretary, Rtn. P.S. Lyngdoh kam u Treasurer, Rtn. E.F. Gatphoh kam ka Club Director, Rtn. E.E. Laloo kam ka Vocational Director, Rtn. R. Laloo kam u International Director, Rtn. T. Tongper kam ka President Youth and New Generation wei u Rtn. S.K. Lato da man u leh kam u President Elect Nominee yong u snem 2020-21.
Discussion about this post