Ynnin ka sngi ka seiñ All Jaiñtia Youth Welfare Organisation (AJYWO), Central Body, lyngba ka Central Executive Council da jied thymme noh ko ya u Reaching Siangshai kam u President wow yahkhmat ya ka seiñ heiwa u H. Deolangki Dkhar won u man u kam u Secretary General wa thymme yong ka.
Ha kani ka sngi wow pynthymme ya kiwa yahkhmat ka seiñ da em ka yalang heiwa da pynskem leh ya kiwa yahkhmat wa pura ka AJYWO East Jaiñtia Zone, kiwa kynthup ya u Kd. Heatermoon Ryngkhlem kam u President wa u Embok Dkhar won kam u General Secretary yong kani ka chnat ka seiñ.
Neiliang u MH Dkhar hadien wa ieh yei kaam kam u President ka seiñ da kyntu joor u ya kiwa yahkhmat wow man ki kiwa kreh chitom, kiwa kreh hok, deiwa yatylli wei maya iwi ya iwi khnang wow ye u yah luti cha khmat ya ka seiñ neibynta ki kaam wa bha ya ka jaitbru wa ka ri hi waroh kawi.
Chooh chooh neiliang kiwa yakhmat wa thymme yong ka AJYWO, da sñiawngooh ki ya u MH Dkhar uwa da thwat luti ya ka seiñ neibynta ki kaam wa bha deiwa kitbok leh ya oo wow poi u ha ka thong wa mut wa thmu u.
