Ynne ka sngi da ya thap Vote wow pynthymme Waheh Chnong ha Ladmukhla deiwa emlang u Pa Dolloi ka Elaka Nongbah kawa da sdang nadooh 7 waje i step hadooh i por 2:15 i sngi kawa da chimbynta da kiwa chong chnong katkam ki kyndon thap Vote.
I thap Vote da man ko kawa lai bait khlem iwon iwon i thut.
Hawa kut da pynbna ya uwa jop da u Dolloi heiwa u Waheh Chnong warim u Ebormi Lyngdoh da jop biang u ya kani ka kaam heiwa daw man biang u kam u Waheh Chnong sa 3 snem katkam i rai ka chnong.
Neiliang ka Dorbar Chnong da e khublei kyrpang ki ya u Pa Dolloi uwa da chimkhia wow pynlai bait ya kani ka Election, kamjooh ya ka Police Department kawa da pah ya ki pulit wow em waroh chi sngi.
Da e khublei leh ya kiwa chong chnong kiwa da ya krehlang waka chnong wow pynlai bait ya kani ka kaam. Neiliang u Waheh Chnong da e khublei u ya kiwa chong chnong wa dang yoo biang ki u kreh biang u kam u Waheh Chnong.
