Da pynthymme wei pynskem ya kiwa kitkaam ka BJP Amlarem Mandal wa ka BJYM

Jowai: Ka BJP Amlarem Mandal ha ka yalang kawa da pynman ha ka 8 tatik uni u bnai da emlang u MDC ka North Jowai u Marki Mulieh uwa man leh kam u President District, u Albinus Syih Incharge BJP West Jaiñtia, wa kiwi kiwi.

Ka BJP Amlarem Mandal da jied wei pynskem ko ya ki wa kitkaam wa pura yong ka Mandal, ya ka kaam president da ekti ha u R.L. Tariang uwa jooh man kam u Montri warim ka jylla.

Ar ngut ki Vice President wa kynthup ya u Junior Lamin wa ka Ridalin Dhar, General Secretary u Hamsilet Lamin, Secretary u W. Roy Ryngksai wei da kynthup lang leh ya ki 26 ngut ki dkhot (Member).

Ya kini kiwa kitkaam da pynskem da u President District u Marki Mulieh.

Related posts

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Da pynthymme leh ya kiwa kitkaam ka tnat khynroo ka seiñ wa tip kam ka BJYM (BJP Youth Wing) heiwa da jied President ya u Everest Langstang.

Ar ngut ki Vice President wa kynthup ya u Tariang Rymbai wa u Arwinstar Gashnga, General Secretary u Sony Suting, ki soo ngut Secretary u Nangjam Tariang, Demansuk Myrchiang, Saman Dkhar, wa u Treasurer u Donbok Dhar wa ki 23 ngut ki dkhot (member).

Ha kani ka yalang da chim ya ka rai wow pynkhlan ya ka party khnang wow yoh yei jop wa em burom ha kani ka Election MLA wow wan.

Kamwa ki paidbah ka thaiñ War Jaiñtia waroh kwah ki yei kylla ka BJP Amlarem Mandal da pynkhreh ko wow wanrah yeiwa angnood ki paidbah.