Ha ka 10 tarik uni u bnai, ka seiñ East Jaiñtia National Council (EJNC) da lehkmen ko yei dap dap 8 snem ka seiñ ha ka yalang wa da pynman ha Khliehriat West Community Hall heiwa da pynlai ya ka yalang da u Damonmi Dkhar wei da yoh leh wow pynyoo ya ka Documentary Film ka EJNC kawa da e pyrtuid ‘EJNC: The Untold Story-Ka Jingialeh Wa Khlem Chong Ngiah’ kam chibynta wow pynsahkynmoo yei lai luti yong ka seiñ.
Ha kani ka yalang da pynthymme leh yei rukom krehkaam ka seiñ deiwa ya kdoh kular hapyrdi kiwa yahkhmat ka EJNC wa kiwa kitkaam ka JNC wei da iwi ka sur da ye wow rai u ya emlang iwi i yumut kam kawi ka seiñ kamtæ u em noh kawi don ka seiñ wa tip noh kam ka Jaiñtia National Council (JNC) ka wow krehkaam ha waroh kawi ka Jaiñtia Hills.
Kamtæ da pynskem leh ya kiwa kitkaam wa thymme ka CEC ha kani ka sngi deiwa chim ya ka smai wei da pynskem leh ya kani ka CEC da u President Rangbah ka HYC, Robertjune Kharjahrin.
Ya kani ka CEC wa thymme u yahkhmat da u President wa thymme, u Sambormi Lyngdoh wa u General Secretary, u Wanshwa Suting.
Ha katai ka sngi da yoh leh i klam na kiwa yahkhmat seiñbhalang wa kynthup ya u President ka HANM, u Lamphrang Kharbani, u President ka JSU, u Jersom Shylla, u President ka JYF, u O.L. Tariang wei da yoh leh i klam na u bru wa bna naam ka thaaiñ, u Dr. P. Nongtdu uwa man leh u Principal ka Jaiñtia Eastern College.
Da pynphooh pynphieñ ya kani ka yalang da i rwai i chaad na ki khonkhynroo ka thaaiñ.
Ka Wyrta na u In-Charge Publicity Cell ka JNC, u Mebanteilang Sukhlain.
Discussion about this post