Ka Dorbar Chnong Mukhaialong, East Jaiñtia Hills District ha ka 28 tarik da pynman ko ya ka General Meeting ka chnong wow jied thymme ya kiwa kitkaam ka chnong hadien wa da kut noh ka samoi krehkaam ka Executive Committee warim.
U Pa Dolloi ka Elaka Jowai u Puramon Kynjing da wan u wow sakhi wei wow pynlai ya ka yalang wow jied ya kiwa kitkaam.
Kamtæ ha kani ka sngi ki paidbah wa chong chnong da mih yonglang ki wow jied ya kiwa kitkaam heiwa da jied biang ya u Hundred Phawa kam u Waheh Chnong khlem em kiwa pyrchah.
Kiwa kitkam thymme man ki kamni ha wah:
Waheh Chnong- U Hundred Phawa
Assistant Waheh Chnong- U Hima Sana
General Secretary- U Tyllibiang Sana
Assistant General Secretary- U Tyrnit Pdein
Chairman- U Ni-oo Phawa
Treasurer – U Maycare Phawa
Ki Auditor- 1. U Diva Kyndait, 2. U helpman Phawa
Ka samoi krehkaam kani ka Executive Committee thymme yong ka Dorbar Chnong Mukhaialong u man ko hadooh 3 snem.
U Hundred Phawa da e khublei u ya ki paidbah wa chong chnong kiwa da yoo biang ya oo u man biang u kam u waheh chnong wa thymme.
