Jowai: Ynne ka sngi ka Dorbar Chnong Panaliar, Jowai da pynthymme ko ya kiwa kitkaam ka chnong neibynta ka samoi wa chi snem (2020-21) lait noh u waheh chnong uwa daw krehkaam 2 snem heiwa ya ini i pynthymme da wan sakhi da u Dolloi ka Elaka Jowai, u Puramon Kynjing.
Ya ini i pynthymme da leh hadien wa pynman ya i yajied (Election) ynnin ka sngi ha Yungwalieh ka Dorbar Chnong deiwa bood ya ki kyndon wa da booh ka sorkar lyngba ka chnat i chait i khiah heiwa da chah du ar ngut na kawi pa kawi ka manyung wow wan jied ki (uwi u chynrang wa kawi ka kynthai).
Kiwa kitkaam ka chnong man ki kamni ha wah:
Waheh Chnong: Riquoma RQ Laloo
Assistant Waheh Chnong: Phrangsngi Challam
General Secretary: Careme Phawa
Assistant General Secretary: Anewma Sumer
Treasurer: Jait Da Oo Sumer
Auditor: Lakhon Passah, Heirtami Kynjin wa u Yoofranky Laloo
Da jied leh ya 12 ngut ki dkhot ka Executive Committee kiwa kynthup ya soo ngut ki kynthai wei da jied leh ya ki Chairman wa ki Secretary yong ki chnat waphær waphær hapoh ka chnong.
