Jowai: Kamwa jooh leh man u snem, ka Dorbar Chnong Shnongpdeng, da jied thymme ko ya kiwa kitkaam ka samoi krehkaam 2018-2019, haka 6 tarik uni u bnai.
Ha ini i jied wa kitkaam, u Bnai Syngkrem da man biang u kam u waheh shnong heiwa ki paidbah da mynjur ki wow pteiñ biang u sa chisien.
Kiwi kiwa yahkhmat chnong wa da chah jied wow ksoh kaam kam u General Secretary ka Dorbar Chnong Shnongpdeng toh u Lurman Boy Talang, Joint Secretary Dorbar Chnong Shnongpdeng u Dapbor Syngkrem, Finance Secretary Dorbar Chnong Shnongpdeng u Pynhun L Syngkrem, Treasurer Dorbar Chnong Shnongpdeng u Beelang Syngkrem.
Da jied leh ya kiwa kitkaam yong ki chnat krehkaam kiwa ya synrop lang wa ka Dorbar Chnong kiwa man leh kam ki dkhot wa pura hapoh ka Local Executive Committee yong ka chnong wei man ki kamni ha wah:
- Neibynta ka Tourism u Wanbiang L Gadew kam u Chairman ka Shnongpdeng Tourism Development Society.
- U Laitphar Syngkrem kam u Vice Chairman ka Shnongpdeng Tourism Development Society.
- U Tellme Boy Talang kam u Secretary ka Shnongpdeng Tourism Development Society.
- U Lehbha Kongwang kam u Assistant Secretary ka Shnongpdeng Tourism Development Society.
Neibynta ka VDP ka chnong won da jied ya u:
- U Dwickson Lamin kam u President ka VDP Shnongpdeng.
- U Gineva Lamin kam u Secretary ka VDP Shnongpdeng.
- U Bashisha Syngkrem kam u Assistant Secretary VDP Shnongpdeng.
Da jied leh ya ki wow pait ya ka khooid ka suba hapoh ka chnog kiwa man kamni ha wah:
- U Kindly Khyriem kam u Chairman ka Cleanliness & Environment Welfare Committee.
- U Frankyson Synrem kam u Secretary ka Cleanliness & Environment Welfare Committee.
Wa ki kattu kanti ngut ki Executive Member kiwa da jied thymme.
Ini toh katkam wa pyntip u Dapbor Syngkrem Joint Secretary Dorbar Chnong Shnongpdeng.
Discussion about this post