Jowai: Kiwa yahkhmat ka Hynñiewtrep Achik National Movement (HANM) seiñbei da wan ki cha Jowai ynnin ka sngi yow pynthymme ya kiwa kitkaam yong ka West Jaiñtia Hills District heijooh i por ya ka East Jaiñtia Hills District, haka yalang wa pynman ha Infinity Hall Mooralong Jowai.
Ya i pynsmai da chimkti da u President Rangbah ka seiñ u Lamphrang Kharbani ha ka yalang wa da pynlai da u B.K. Mawpat Member CEC wa u Comet Star Lyngdoh, Organizing Secretary HANM-CB, deiwa emlang leh u Wraiwan Sohtun, Assistant General Secretary ka seiñbei Shillong, u Comely Lyngdoh, President West Jaiñtia wa u Lawyerson War u President warim ka JSU wa kiwi de.
Kiwa kitkaam wa thymme ka HANM West Jaiñtia Hills District toh u President u Comely Lyngdoh, Vice President u Aphhira Lamurong wa u Poihame Sungoh, Secretary u Wankishwa Mawlong wa kiwi de kiwa ksoh ya ki kaam waphær waphær deilang wa ki dkhot ka Executive Committee wa kynthup ya 20 ngut kiwi de ki dkhot.
Katwa kiwa kitkaam ka HANM East Jaiñtia Hills District toh u President u Coming Soon Dkhar, Vice President u Monkini Shylla, General Secretary u Shaniahlang Suchen deilang wa kiwi de kiwa ksoh ya ki kaam waphær waphær deilang wa ki dkhot ka Executive Committee.
