Ka Jaiñtia Hills Lower Primary School Teacher’s Association (JHLPSTA) ya kawa da seiñ nadooh u 1981 da pynthymme ko ya kiwa kitkaam yong ka neibynta ka samoi krehkaam yong u snem 2020-2021.
Ya ini i pynthymme ya kiwa kitkaam da pynman ha ka yalang General Meeting ha ka 13 tarik uni u bnai ha Yungwalieh ka Tpep-Pale Club, Jowai.
Kiwa kitkaam ka seiñ man ki kamni ha wah:
1. President: U Lukas Jat
2. Vice President: U Lamchwa Chyrmang
3. General Secretary: Ka Serinda Rymbai
4. Asst. General Secretary: Ka Daplin Lamurong
5. Treasurer: U Siangmin Lakuna
6. Sport Secretary: u Daiaribha Biam
7. Building Committee Secretary: Ka Theodosia Pyrtuh
8. Building Committee Treasurer: Ka Yophika Ryngkhlem
9. Auditor: U Babu Kalbinus Dkhar wa u Babu Ri-o Heiburom Ryngkhlem
10. E.C. Members: Waroh ki Secretary wa President ki 5 Unit,
Co-operation Member– U Teikupar Pyrbot,u Niawbiang Ting, u Kamai Masharing, u Kynsaidiam Pohkyrnu.
Katwa ya i kaam Publicity Secretary wa jooh em da pyndam noh chwa ha kani ka sngi neidaw wa ka seiñ ym rap sñiaw emkaam ware ko ya ka.
Ha kani ka yalang da wan aw jan waroh kiwa sikai skur Primary na ki 5 unit (i) Jowai Unit (ii) Thadlaskein Unit (iii) Laskein Unit (iv) Khliehriat Unit wa (v) Amlarem Unit.
Ha kani ka yalang da yaklam leh wow booh Mooyurim wow chna noh ya ka yung krehkaam ka seiñ ha i thaw wa em ha SooMer (Laad Bypass) Mihmyntdu, West Jaiñtia Hills hapoh u Thohlakhmi uni u snem 2020.
Ha kani ka yalang da yaklam leh hajrong i chimbynta ha ka yakhih (Dharna) ha nongbah Delhi ka wow sdang nadooh ka 21-27 Thohlakhmi 2020 neibhah ya ka seiñ da pynyabi nadooh District Level, State Level (AMPSTA) National Level (AIPTF) wei chadooh ka kyrdan International Level (E-I).
Kani toh ka wyrta khubor wa phah da u Babu Lukas Jat, President, JHLPSTA.
Discussion about this post