Jowai: Ynne ka sngi ka Jaiñtia Students Movement-Eastern Region da pynthymme ko ya kiwa kitkaam ka JSM-Ladrymbai Circle ha ka yung krehkaam ka JSM-Central Body.
Ya ka yalang da pynlai da u Shnalad Rymbai, President ka JSM-ER wei ha kani ka sngi u Shining Star Shylla uwa jooh man kam u Vice President ka seiñ UJF ynne ka sngi da psiah noh u cha ka JSM.
Kiwa kitkaam wa thyme ka JSM-LC kynthup ki ya u President, Edvin Syrti; Vice President, Shining Star Shylla; General Secretary, Fulki Dkhar; Financial Secretary, Sunil Siangshai.
Ya ki kyrdan krehkaam waphær waphær dang neh hi ki kamjooh hapoh yong kani ka Circle.
Ha kani ka yalang ynne da sngi da yoh yei klam na u President ka JSM-ER u Shnalad Rymbai uwa da pynsñiaw ya ki kyndon krehkaam ka seiñ, wei da pynkynmoo leh ya ki thong krehkaam ka seiñ khamtam wow wanrah ya ka Government College hapoh ka East Jaiñtia Hill District, Khliehriat.
Da pyntip u leh wa ha uni u snem daw pynman ya ka yakhih hajrong kani ka phang (College).
Discussion about this post