Ka DC ka East Khasi Hills da pynmih hukum ko wow pynyinsur yei por wai ki thaw dai kiad wa em hapoh ka District nadooh ka 23 tarik uni u bnai wa kynthup lang ya kiwa leh Home Delivery yei kiad hadooh wa pynmih hukum da kamwi.
Ki dukan dai kiad u wai ki 6 sngi chi tayaw nadooh 9:00 waje i step hadooh 6:30 i janmiet lait noh ha ki sngi Dry Day kiwa ini wadep da chah u wai ki hadooh 6:00 waje i janmiet.
Kiwa leh ya ka Home Delivery ye ki wow leh nadooh 10:00 waje i step hadooh 8:00 waje i miet Monday hadooh Saturday iwa ini wa dep da chah hadooh 7:00 waje i miet.
Ki thaw chong dih kiad kiwa da yoh bor ye ki wow wai man-ka-sngi nadooh 12:00 waje pyrdi sngi hadooh 8:00 waje i miet iwa ini wadep da chah hadooh 7:00 waje i miet.
Ki Bonded Warehouse u wai ki 09:00 waje i step hadooh 07:00 waje i miet Monday hadooh Saturday.
Ki Canteen u wai ki nadooh 09:00 waje i step hadooh 6:30 i janmiet Monday hadooh Saturday iwa ini wadep da chah hadooh 05:00 waje i miet.
Ki pata kiad u wai ki nadooh 9:00 waje i step hadooh 6:30 i janmeit Monday hadooh Saturday iwa ini wadep da chah hadooh 5:00 waje i janmiet.
