Ka Additional Deputy Commissioner, East Khasi Hills District da pyntip ko wa da pynyinsur ya ka tarik wa khaddooh ya kitu kiwa kwah wow thap pyrtuid neibynta ka e sikai wa tip kam ka Pre-Recruitment Training kam ki AGNIVEER hapoh ka Indian Armed Forces kiwa man kam ki khynroo ka East Khasi Hills District wei ka tarik wa khaddooh da rah cha ka 12-11-23.
Kitu kiwa da pyndep ya ka Physical wa Basic Medical Screening daw yoh ki ya ka Coaching Class kawa chibynta yow pynkhreh ya ka “Common Entrance Examination” kawa man chibynta iwa da pynbna yei lait kreh ha ki chnat chipai namo ki Indian Armed Forces.
Kitu kiwa kwah wow thap pyrtuid yow yoh ya kani ka Pre-Recruitment Training ye ki wow pyndap ya kani ka Google Form deiwa lai heini https://megedistrict.gov.in/directApply.do?serviceld=1158.
Kitu kiwa thap pyrtuid emkaam ki wow man kiwa chong chnong wa pura ka East Khasi Hills District neibynta ki chynrang wa kynthai wei toh u man ki kiwa da dap 17 snem 6 bnai hadooh 21 snem i rta.
Kini ki reh wa da lait toh yow man kam ki Technical, Clerk/Store Keeper, GD, Tradesman/House Keeper/Mess Keeper wa Female in Corps of Military Police.
Puræ leh: U e sikai ya kitu kiwa yaleh kreh kaam chipai AGNIVEER
Discussion about this post