Da pynyoo ya ka phlim chaphang kiwa lai yaleh ya ka Thma Bah wa nyngkong na ri-loom Khasi wa Jaiñtia

Jowai: Ka Documentary Film wa tip kam ka “Because we did not choose” namo Ym toh i mon yong i, wa pynmih da u Wanphrang K Diengdoh da pynyoo paidbah ya ka ha Yungwalieh ka Tpep-Pale ynne ka sngi.

Ha kani ka Film da khana wa ha ka Thma Bah wa nyngkong kawa boon cha i cheini heitu i por da tip ya ka kam ka thma France, boon na ri-loom Khasi, Jaiñtia wa Garo da lai chimbynta ki yow man kam kiwa rah tiar, u yarap kit ya kiwa mynsoo ha ka ri France wa Mesopotamia (katni Iraq, Kuwait) wei boon na ki da khlaad ki ha luti wa lai, ha ki thaw yaleh thma kamjooh heipor wa liwan.

Ha kani ka Film da yoh ki u yaklam wa ki ksu kiwa lai cha kani ka Thma kam kiwa na Jowai, Wahiajer, Sohkha wa na Tura.

Hadien wa joor duna bru ka ri Bilat wow yarap ha kani ka thma da phah ki ya ki Balang Christan wa em ha kylleiñ ki ri wa synchaar ko wow phah bru cha kani ka thma wei neiliang kini ki Balang da kular ki ya kiwa bien u lai wow lait ki na ki dan ka sorkar, u su ya ki da ka tulop wei manda liwan ki daw e kreh ya ki.

Related posts

Ka Result Lucky Draw ka Lumphyrnai Cultural & Sport Club, Sohphoh

April 23, 2025

Wan chim kiwa jop ya ki Prize ka Lucky Draw ka Dorbar Chnong Tongkiad

April 20, 2025

Ha ka sien wa nyngkong wa lai da em kamwa 500 ngut na ri-loom Jaiñtia wa 500 ngut kiwa na ri-loom Khasi kiwa lai wei da lai lang u Rev. S.R. Manner uwa na chnong Sohkha.

Ha ini i lai luti ki pyn na wa sdang da em kiwa yoh kjut kiwa khlaad wei manda poi ki ha Chennai da e sikai ya ki 3 bnai ya i kaam wa haap leh ki wei em na ki da thoh chithi ki cha yung yeiwa phylla wa chem ki cha ka luti.

Manda poi ki cha ka thaw yaleh thma won boon wa khlaad wei da liwan yung du ki kattu katni ngut wei hadooh katni ym tip hadooh katwon ngut wa lai neibhah ym em biang booh pyrtuid ki pharæng ya ki wei ha ki mot ha ki thaw tlep ya ki wa em cha pharæng leh da booh yei pyrtuid ka chnong yong ki.

Neiliang uwa chna kani ka Film da ong u wa dang boon bha u tip chaphang ini i lai chimbynta ki bru yong i ha ka Thma Bah wa nyngkong wei emkaam leh u booh ya ini waroh ha ki kot puræ ki khynnah nadooh ki skur khian hadooh ki skur bah.

Ki mot sahkynmoo ya kini kiwa lai thma wa tip kam ki Motphran da em uwi ha Shillong, ha Iawmusiang, Jowai wa ha Tura.