Shillong: Ka Indian Air Force (IAF) man ko kawi na ki bor wa ha khmat dooh wow yarap heipor wa jia iwon iwon wa sñiawsih khamtam manda pynyoo ka Bei Rymaw yei bor yong ka nadooh i chlai um, khih khmi wa kiwi kiwi. Ini i yarap ya ki bru wa chah ktah wa tip leh kam ka Humanitarian and Disaster Relief (HADR) da pynyoo rong ya ka ha ki le sngi da ka HQ Eastern Air Command ha Advance Landing Ground, Upper Shillong wei da pynkut ya ka ynne ka sngi.
Ha kini ki le sngi da pynyoo yei rukom yarap ya ki bru wa mynsoo heiwa da emlang ki chipai, NE Space Applications Centre, NDRF, SDRF, State Police, Traffic Police, State Emergency Operations Centre wa kiwa kreh Hospital.
Ka IAF da pynyoo ko yei krehkaam ka CASEVAC (iwa kit ya ki ya kiwa mynsoo da ki helicopter), i rukom tympleh diñ, i pyllait ya ki bru wa sah cha synrang wei u taan pyllait ya ki da tylle wa pyndait haka Helicopter, i pynhaap baam cha ki bru wa ym lait luti wow yarap ya ki wa kiwi kiwi de.
Ki Doctor ka IAF da pynyoo ki leh ya ka kari kit wa kjut yong ka kiwa ye u sumaar ya kiwa da joor bha i mynso hapoh kari Patient Transportation Unit (PTU). Da pynyoo leh yei ye ki Helicopter wow man kam ki ICU heipor wa hær ki.
Ka Eastern Air Command dang pyrchang ko leh wow pynkhreh chooh chooh wow pynbiang lut ko ya kiwa boon yow ye ko dei bor samen yong ka wow leh yeini waroh khlem paan yarap na kiwi yow smat ko u yarap ya kiwa chem chitom.
Discussion about this post