Ka Synjuk Waheh Chnong Ri Jaiñtia (SWCRJ) dei mynsien wa sñiawsih pynche ko cha ki paidbah wa chong chnong ka Ri-loom Jaiñtia, Ri-loom Khasi wa Garo wa na ki daw wym ye u kiar, ka Synjuk da kyrriah tarik ko ya ka sngi pynman Fete yong ka na ka 19-11-2022 cha ka 25-11-2022 ha Madan Wahsalu ha ka chnong Sabahmuswang, West Jaiñtia Hills.
Kamtæ da kyrpaad ya waroh ki lok kiwa da thied ya ki Ticket Lucky Draw wow sñiawbha u yaichah hadooh kani ka tarik hadooh i por 11:00 waje i miet wow pynkhle ya ka Lucky Draw yong ka Fete.
Heiyatoh wa ini da kyrpaad ya waroh ki Waheh Chnong wa kiwa yarap dai ya ki Ticket wow sñiawbha pynpoi ya ki ha ka kti u Fete Secretary, u T. Phawa namo cha u Lucky Draw Secretary, u M Thapbah ha namo chwa ka 23-11-2022.
Kamtæ ka Synjuk wan kyrpaad ko dei mynsien wa khia cha waroh ki lok Waheh Chnong wa kiwa chong chnong ka jylla wow sñiawbha pynlait por wa kordor wow wan pynchongchit ya kani ka Fete wa da pynkhreh da ka Synjuk ha kani ka sngi 25-11-2022.
Kani u man ko kam chibynta ka kabu ksiar wow yoo wei wow pynka’it da kiwa boon ki jait lehke wei wow paitke ya ka yadaw masi kawa ye u man kawa heh dooh ha ka jylla Meghalaya.
Daw em leh ka Bumper Housie hei miet kawa hadooh T. 1 lak ka House wa T. 5,000 uwi u Line.
Kani toh katkam ka Wyrta na u A. Lipon, President ka SWSRJ wa u T. Phawa uwa man u Fete Secretary.
