Jowai : Ka wa ye u man ka sien wa nyngkong ha ka jylla Meghalaya heiwa ha uni u snem heipor wa li noh Blai (Idol) ha kani ka Durga Puja da rai deiwa mynjur ka Sarbajanin Puja Committee, Jowai yei tyrwa ki bor District ka West Jaiñtia Hills wow pynemkaam noh da top um (Iron Cast Water Tank).
Ha ka sngi noh Blai dang chah hi u li noh ha ka wah Myntdu kamwa jooh leh man u snem kam i dak wow pyndep niam tangwa u sai biang wut wut ya ki dur blai wei wow li noh won ha ka Water Tank wa heh 8X8X4 phut ka wow chna da ka bor district da ka poisa na ka Chief Minister’s Youth for Green Campaign. Ka um wa em ha kani ka Water Tank won daw pyllait ya ka ha i thlu (Soak Pit) wa tih yow lait ki bih wa mih na ki dur blai u poi ki cha ka wah.
Yeini da leh kam chibynta i kular ki bor district wow yada ya ka wah Myntdu neibhah wa em boon ki bih (Chemical) wa pynemkaam heipor wa chna ya ki dur blai iwa ktah ya ka wah neibhah ya ka wah Myntdu da pynemkaam ym kam ka umdih kamjooh leh ha i rep i riang.
Neiliang ki bor district da ong ki wa yooluti wa kiwi ki Puja Committee hapoh ka jylla leh daw bood ki ya ini i nongmuna wa da sdang neini.
Discussion about this post