Da Register Case ki pulit heiyatoh wa i yap uwi nei pdung Dynamite

Hadien wa da joor i mih khubor heiyatoh wa em uwa yap nei tympdung Dynamite ha ka thaw tih mooyong wa da suba toh iwa da jia ha Thangskoo, East Jaiñtia Hills heiwa uni uwa yap da yap u ha Shillong Civil Hospital wei i pyrtuid u toh u Ashok Tamang uwa na Ladrymbai.

Heiyatoh wa ini, ki pulit ka East Jaiñtia Hills da Register ki da ki hi ya ka Case hapoh ka Section 105 ka BNS heiyatoh wa ini yap u Ashok uwa da khlaad noh ha ka 1 tarik uni u bnai.

U Ashok da yap u nei joor i mynsoo na ki kha chah thang wei hawa khana u chwa u khlaad u wa da mynsoo u nei pynemkaam Dynamite ha i thaw kreh u tangwa ym em ong u lada toh i thaw tih mooyong næ heiwon em ini i thaw.

Ki pulit hawa lai ki cha Thangskoo wei hawa kylli takit na ki bor chnong da ong ki wym tipmit ki ya ki bru wa klam wa mih hapoh i Video wa pynyoo ya ki bru wa mynsoo.

Related posts

Chem ka HITO wa chim poisa kiwa kreh ha khyrdop ka JHADC pyrchah ya ka kyndon wa da booh

January 7, 2026

Kem ka USA ya ka jhaad kit phñiang ka Russia

January 7, 2026

Ki pulit leh da suba ki wa iwa yap u Ashok wa i Video wa pynpoor ki bru ye u man iwi hi wei ki wym em yatoh.    

Em leh ka khubor wa mih wa da ong wa ya u Ashok da kit nyngong cha ka Sutnga CHC ha ka 23 tarik u December 2025 kawa ye u man leh ka sngi wa jia ini wei ka Thangskoo toh kawa dang em hajan ka chnong Sutnga.

Ha iwi won i liang, ka BJP Meghalaya da ong ko wa lada pteiñ ka sorkar MDA wa yahkhmat da ka NPP wow kyntait yei em i tih mooyong pyrchah aiñ, daw dooh ki yei chaniah ki paidbah.