Ki pulit ka Meghalaya dadep ki wow Register Case pyrchah ya u Akash Sagar uwa da ktah yei sñiaw niam yong ki bru deiwa psiah hapoh ka yungmane wa em ha Mawlynnong heiwa da lai u ha pulpit deiwa ong “Jai Shri Ram” wei da pynbood u wow rwai sa i sur Hindu.
Ki pulit leh da pyntikna ki yeini wei ya ka Case da Register ha Pynursla Police Station wei ka takit da lai ko yow thooh wei wow kem ya uni u bru.
Neiliang u Montri Rangbah ka jylla, u Conrad K Sangma leh da beiñ u yeiwa leh uni u bru deiwa ong wa ka aiñ da lai ko chakhmat neibhah uni u bru da kwah u wow ktah yei suk i saaiñ hapoh ka jylla deiwa leh chynnam wei ya kam kini ki kaam ym e laad.
Neiliang ka Khasi Jaintia Christian Leaders’ Forum (KJCLF) leh da beiñ ko yeini wa leh u Akash Sagar deilang wa kiwa embynta wa oo deiwa ong wa ini pynyoo wa da joor bha i pyrchang wow wanrah yei sñiaw yaphær, u phiah ya kiwa chong chnong deiwa kheiñ ya ka jaitbru, deiwa kheiñ ya ka niam yow pynbor yeiwa ngiat kiwa heh paaid.
Ka KJLCF leh da khut ko ya ka sorkar wow pynryngkhiñ bha ki kyndon heiyatoh wa ki thaw maneblai wa em kiwa uiñke suwari wa wan.
Discussion about this post