U montri rangbah ka jylla, u Conrad K. Sangma ynne da saam u ya ki “Micro ATM” cha ki Business Correspondent Agents (BCA) hei emlang u montri ka Community & Rural Development, u Hamletson Dohling ha Yojana Bhavan, Main Secretariat Shillong.
Ka Micro ATM toh kawa ye u ksoh ha kti wei ye u pynemkaam da ki BCA ha ki thaw palatsor khnang wow ye ki u pyndep yei kaam yong ki khamtam hei wow sai poisa. Yeini da pyrkhat da ka Meghalaya State Rural Livelihood Society (MSRLS) deiwa krehlang wa ka Meghalaya Rural Bank (MRB) wa ka National Bank for Agriculture and Rural Development (NABARD).
Ha i Naiynru uni u snem ka MSRLS da soi soskular MoU ko wa ka MRB wow sdang ya ka BCA heiwa 84 tylli ki Self Help Groups (SHGs) kiwa kreh kam ki ‘Bank Sakhi’.
U Conrad hawa e i klam da ong u wa ki Micro ATMs daw ye ki wow pyndep yei kaam bank ha ki thaw palat sor iwa daw yarap ya ki paidbah kiwa sah ha kini ki thaw.
“Ki Micro ATM daw pynpoi ki yei kaam Bank ha taksaw yong ki manyung ha ki thaaiñ palatsor,” da ong u Conrad.
Ha kani ka sngi da saam leh ya ki Micro ATMs cha ki BCA na kylleiñ ka jylla.
